Reviewed by FilmVZ.Com on June 4

M2U00150

Video Description :
Shri. Sant Ram Aur Anandi Devi jinse kuch mahine pahle hum milne unke gaon gaye. Unka gaon jo Peepli gaon naam se jana jata hai. Almora se 25 Km. door Dhaulchhina jile Bhaisiya Chhana Blok main Stith hai. Wah ek lok gayak hai. apni sundar aawaj main lok geet gaa kar apna jeewan yapan karte . Kuch samay se unki stith bahut dayneey ho gayi hai. Kyuki Shri. Sant ram ji Bachpan se drashti viheen , lekin unki patni ki ek aankh bachpan se kharab thi ek aankh theek thi. We dono melo, tyoharo main gaane gakar apna gujar basar kar lete . lekin ab Anandi devi ki dusari aankh bhi kuch samay pahle kharab ho gayi, jiske karan unka jeewan bahut dayneey ho gaya hai. Jab hum unse milne gaye dukh se unki aankhai bhar aayi. Humne unse unke pariwaar bare main puchha logo ne bataya ki hamari koi santan nahi hai. hamara ek bhai hai, usne bhi yah kah kar ki main tumhari dekh rekh nahi kar sakta hu, ghar se hmain beghar kar diya. Abhi vartmaan main ve Dhaulchhina bajaar nikat kisi diye hue ek chhote se kamre main rah rahe hai. Such kahain unhai halat main dekh kar hmain bahut dukh hua. Aur ek baat ka afsos hua ki jinko bhagwan ne itni sundar aawaj hai, aur jin main gaane ki kala kut kut kar bhari hai. Aaj wo dane dane ko mohtaaj hai. Is samaj ne ek sundar lok gayak ko nahi balki lok sanskrati ko bhi andhero main gum hone liye chhod diya. Agar yahi haal raha kal Kumaun ek sundar lok kalakaar ko kho dega.